dil mohabbat se bhar na jaa.e kahīñ tū bhī yak-dam mukar na jaa.e kahīñ thaam letī huuñ ḳhud ko pal pal maiñ dil ye ashkoñ se bhar na jaa.e kahīñ maiñ zamāne se thak chukī yaaro ab ye merī nazar na jaa.e kahīñ aane vaale ḳhizāñ ke mausam meñ haar tanhā shajar na jaa.e kahīñ aañkh pur-nam hai lab pe ḳhāmoshī mauj-e-dariyā utar na jaa.e kahīñ in taġhāful bharī adāoñ se merī hastī bikhar na jaa.e kahīñ koī us ko mirī ḳhabar de de vaqt jaldī guzar na jaa.e kahīñ