Umood Abrar Ahmed عمود ابرار احمد
← Back to Poetry
Ghazal اردو / Roman Sad, Dark, Deep, Hopeful, Spiritual, Urdu Ghazal

کون کس کا عذاب ہوتا ہے

kaun kis ka azab hota hai

June 23, 2026 · 5 views

اردو

کون کس کا عذاب ہوتا ہے سب کا اپنا حساب ہوتا ہے روگ لگتا ہے جن کے سینے کو ان کا آنسو گلاب ہوتا ہے تم نے روکا ہو جس قدر اس کو عشق تو بے حساب ہوتا ہے حسن چھپتا نہیں چھپانے سے کچھ تو لازم حجاب ہوتا ہے جو سمجھتے نہیں مری منشا بس انہیں اجتناب ہوتا ہے ہم غلط ہیں غلط ہی رہنے دو کون بہتر جناب ہوتا ہے نیند آتی نہیں کبھی ان کو جن کی آنکھوں میں خواب ہوتا ہے حشر اپنا بگاڑ لیتے ہیں تب وہ حاصل خطاب ہوتا ہے اب تو حالات دیکھ کر مجھ کو درد بھی بے حساب ہوتا ہے بول پاتا نہیں جو باتوں سے اس کا چہرہ کتاب ہوتا ہے جو کسی کو نہیں ہوا حاصل وہ مرا انتخاب ہوتا ہے دل اسی زد میں قید رہتا ہے جو نہیں دستیاب ہوتا ہے دل کو سمجھا لیا مگر پھر بھی کیوں مجھے اضطراب ہوتا ہے سچ تو معلوم بھی نہیں پڑتا ہر کسی پر نقاب ہوتا ہے وقت دے کر 'عمود' دیکھو نا کون خود بے نقاب ہوتا ہے

Roman Urdu

kaun kis kā 'azāb hotā hai sab kā apnā hisāb hotā hai rog lagtā hai jin ke siine ko un kā aañsū gulāb hotā hai tum ne rokā ho jis qadar us ko 'ishq to be-hisāb hotā hai husn chhuptā nahīñ chhupāne se kuchh to lāzim hijāb hotā hai jo samajhte nahīñ mirī manshā bas unheñ ijtināb hotā hai ham ġhalat haiñ ġhalat hī rahne do kaun behtar janāb hotā hai niiñd aatī nahīñ kabhī un ko jin kī āñkhoñ meñ ḳhvāb hotā hai hashr apnā bigāḌ lete haiñ tab vo hāsil ḳhitāb hotā hai ab to hālāt dekh kar mujh ko dard bhī be-hisāb hotā hai bol paatā nahīñ jo bātoñ se us kā chehra kitāb hotā hai jo kisī ko nahīñ huā hāsil vo mirā intiḳhāb hotā hai dil usī zad meñ qaid rahtā hai jo nahīñ dastyāb hotā hai dil ko samjhā liyā magar phir bhī kyoñ mujhe iztirāb hotā hai sach to mā'lūm bhī nahīñ paḌtā har kisī par naqāb hotā hai vaqt de kar 'umūd' dekho nā kaun ḳhud be-naqāb hotā hai

Related Poetry